Autokarabana alokairu zerbitzua Euskal Herrian

Gure autokarabanan bidaiatu dezakegun gehienezko abiadura, herrialde bakoitzeko mugikortasun araudiak jasotzen duena da, beraz, beste herrialde batetara bidaiatu behar badugu, hau kontutan izan beharko dugu.

Españiako kasuan, 2019 urtean aldaketak egon dira araudi honi dagokionez. Trafikoko zuzendaritza orokorrak 3.500kg-tako edo honen azpiko gehienezko masa duten autokarabanentzako gehienezko abiadura baimenak honela utzi dituelarik:
· Ohiko bideetan, gehienezko abiadura generikoa 90km/h-koa izango da.
· Autobia eta autopistetan, gehienezko abiadura 120km/h-koa izango da.

Gehienezko masa 3.500kg baino haundiagoa duten autokarabanentzako, gehienezko abiadura araudiak honela geratu dira:
· Ohiko bideetan, gehienezko abiadura generikoa 80km/h izango da.
· Autobia eta autopistetan, gehienezko abiadura 90km/h izango da.

Autokarabana eta  kotxeetan bete beharreko araudiak alderatuko bagenitu, ez direla beti berdinak ikusiko genuke. Haurrek bidaiatzerakoan bete beharreko arauetan ordea, ez dago ezberdintasunik, hau da araudia berdina da kotxe naiz autokarabanentzat. Hau honela izanik, 135zm azpiko haurrek nola bidaiatu behar dutenari buruz, honako hau esaten digu araudiak:

• 135zm baino altuera txikiagoa duten haurrek bere ezaugarri fisikoei dagozkion aulkietan eserita joan behar dute atzeko aulkietan, behar bezala lotuta. Hau honela izanik, ezingo lukete aurreko eserlekuetan joan, atzekoetan lekua dagoen bitartean. Atzekoetan lekurik egon ezean soilik, joan ahalko lukete aurreko eserlekuetan, dagokion aulki eta uhalarekin.

Beste zenbait arau:

• Autokaranan doan bidaiari orok, uhalak dituen eserlekuetan soilik bidaiatu ahalko dute, guztiz debekatua dagoelarik uhalik gabeko eserleku batean, zutik edota ohean etzanda bidaiatzea.
• Ezin da autokarabana bakoitzak baimendutako bidaiarien kopurua gainditu.
• Guztiz debekatuta dago, autokarabana mugimenduan dabilen bitartean zutik edota bertan oinez ibiltzea.

Beraz, autokarabana aukeratzeko momentuan, kontutan izan behar dugu bidaiatu behar dugun bidaiari kopurua ainako aulki homologatu dituela. Aulki hauetako bakoitzak segurtasun uhalak dituelarik.

Errespeta itzazu araudiak, zure segurtasuna bermatzeko.

Autokarabanek hiru depositu edo ur mota dituzte:

• Ur garbiaren depositua: depositu hau, ur garbi eta potablearekin beteta dago, autokarabanako bidaiarien kontsumorako. Ur hau, edateko, dutxan, iturrietan eta komuneko bonban erabiliko duguna da. Kontuz ibili behar gara betetzerako orduan, eta ur potablea dela ziurtatu, bestela kontutan izan beharko genuke, ezingo genukeela edateko erabili.
• Ur grisen depositua: depositu honetara, sukaldeko harraskatik, dutxatik eta komuneko harraskatik datorren ur jaboitsua iristen zaigu. Ur hauek beti baimendutako lekuetan soilik hustu behar dira. Baimendutako lekuak, kanpinak, zenbait gasolindegi edo areatan egoten dira, batzuk doakoak dira, beste batzuetan berriz ordaindu egin behar izaten da. Hauek husteko autokarabana azpialdean egoten den mekanismoa akzionatu behar da. Inoiz ezingo dugu mekanismoa irekita bidaiatu edota baimenduta ez dagoen leku batean hustu.
• Ur beltzak: depositu honetan komuneko hondakinak jasotzen diren depositua da, hau da, pixa eta kaka jasotzen duena. Ur hauek, “fekalak” direnez, baimendutako lekuetan soilik hustu daitezke. Baimendutako leku batzuk doakoak dira, beste batzuetan berriz ordaindu egin behar da. Normalki kanpinetan, areatan edo zenbait gasolindegitan ere aurkitu ditzakegu ur hauek husteko lekua. Baimendutako lekurik ez bagenu aurkituko eta beharra izango bagenu, edozein komunetan hustu daiteke, aurretik baimena eskatu ondoren, arazoak ekiditeko. Ur hauek husterako garaian, eskularruak eta oinetako itxiak erabiltzea gomendagarria da.

Gure autokarabana aparkatzerako garaian, kontutan izan behar dugu indarrean dagoen araudia errespetatu eta bete beharra dagoela nahita ez. Autokarabanan bidaiatzeak nora joan nahi dugun aukeratzeko askatasuna ematen digu, naturaz gozatzea, familia, lagunak eta bizitzako gauza txikiez disfrutatzea. Guzti honetaz arazorik gabe gozatu ahal izateko, argi izan behar ditugu aparkatu eta kanpatu terminoen arteko ezberdintasunak.

Noiz esan dezakegu gure autokarabana aparkatuta dagoela?

• Lurrarekin daukan kontaktu bakarra gurpilak direnean (aldapa handiko kasuetan, kaltzoak justifikatu daitezke).
• Autokarabana itxita dagoenean bezalako lekua soilik okupatzen dugunean.
• Ez dagoenean inolako isurketa zein emisiorik kanpoaldera.

Horregatik, gure autokarabana aparkatuta dagoenean baimendua dago:

• Barruan jan edo edatea.
• Kaltzoak jartzea lurzorua aldapan badago.
• Tetxua altxatu eta tetxuko leihoak irekitzea, beti autokarabanaren perimetroa gainditu gabe.
• Barruan lo egitea.

Zer ezin da egin autokarabana aparkatuta dagoenean:

• Mahai eta aulkiak kanpora atera.
• Isurkiak kanporatu.
• Toldoa atera edota leihoak kanporantz ireki.

Noiz esan dezakegu gure autokarabana kanpatuta dagoela?

• Mahai edo aulkiak kanpoan dituenean.
• Toldoa aterata, leihoak kanporantz irekiak edo autokarabanaren perimetrotik kanpoko elementuren bat dagoenean.
• Estabilizatzeko hankak jartzen direnean.
• Isurketak daudenean kanpora( hau beti baimendutako tokietan egin behar da).
• Molestatzen duten gehiegizko soinuak ateratzen direnean.

Guzti horregatik, errespeta itzazu araudiak eta ez kanpatu baimendu gabeko tokietan. Kanpatzea baimenduta ez dagoen lekuetan aparkatzea posible izango duzu azaldutako legedi eta araudiak behar bezala betetzen badituzu.

Gogoratu herri bakoitzak dituen araudiak eta seinaleak ere errespetatu behar direla. Azkenik kontutan izan pixkanaka gero eta gehiago direla autokarabanentzako aparkaleku edo areak egokitzen ari diren herriak. Errespetatu araudiak, zu ere errespeta zaitzaten.

Autokarabanan bidaiatzea aukera paregabea da gure txakurrarekin momentu zoragarriak bizitzeko, berarekin askatasun eta aire libreaz disfrutatu dezakegularik.

Zenbait aspektu kontutan izan behar ditugu gure bidaia era egokienean joan dadin, segurtasunari dagokion garrantzia emanez.

Autokarabanako irteera antolatzen dugunean, ondoko gauzak kontutan izan behar ditugu:

• Zenbait pertsonak bezala, txakur batzuk ere ondoeza eta txorabioa sentitu dezakete bidaiatzerako orduan, horregatik bidaia baino lehenago jatekorik ez ematea komeni da. Dagokion jatordua, ordu batzuk lehenago ematea da egokiena, modu honetan txakurrari digestioa egiteko denbora emango diogu eta botaka egiteko arriskua gutxituko dugu.
• Ziurtatu bere objektu guztiak daramatzagula; ohea, jateko eta edateko ontzia, ura, janaria, jostailuak, arnesa, soka…. Bere osasun txartela eta txertaketen agiria eraman behar da.

Nola bidaiatu behar du txakurrak autokarabanan:

Araudiaren arabera, txakurra “merkantzia” moduan kontsideratzen da bidaiatzerako orduan eta ondorioz behar bezala lotuta joan behar du; istripurik sortu ez dezan, istripua jasanez gero kolpekatu ez gaitzan… Hori ekiditeko eta gure txakurraren segurtasuna bermatzeko, merkatuan aukera ezberdinak ditugu:

• Gure txakurraren neurrira egokitutako kaiola edo transportina. Honek autokarabanara lotua joan beharko du.
• Segurtasun uhalera lotu engantxe batekin edo txakurrentzako segurtasun uhal bat erabili. Lotzeko modu hauetako bat erabiltzen badugu, oso garrantzitsua da gogoratzea arnesa erabili behar dugula, inoiz ez lepokoa, balaztada batean txakurra itotzea ekiditeko.

Bidaian zehar geldialdiak egin behar dira 2 edo 3 orduero txakurrak pixa edo kaka egin, zein hankak luza ditzan. Aurreikusitako lekura iristean, ez dugu txakurra bakarrik utzi behar, kontutan izan behar dugu ohikoa baino urduriago egon daitekeela. Gogoratu  txakurra  egun beroetan ez dugula autokarabanan bakarrik utzi behar, bero kolpe bat edo deshidratazioa pairatu ditzakeelako.